Një ishull privat në brigjet e Irlandës është shitur për vetëm 6 milionë dollarë.
Blerësi anonim raportohet se nuk e ka vizituar asnjëherë vendndodhjen, por ka parë vetëm një video-prezantim të vendndodhjes.
Ishulli “Horse” me një sipërfaqe prej 157-hektarësh gjendet në jugperëndim të ishullit kryesor të Irlandës. Ishulli përmban 3 plazhe dhe shtatë shtëpi.
Blerësi është një nga super të pasurit e fundit që kërkon largim drejt ishujve privatë, ndoshta prej pandemisë së koronavirusit.
Sipas mediave të huaja, ishulli ka pasur një industri të vogël minerare në shekullin e 19-të. Popullsia e tij maksimale ka qenë 137 njerëz në 1841, por deri në vitet 1960, aty nuk kishte mbetur më asnjeri.
“Horse” ka sistemin e vet të energjisë elektrike, të ujit dhe kanalizimeve.
