Viktor Qosja, i cili ishte shpallur i zhdukur prej 8 ditësh në Itali, është gjetur i pajetë në një kanal.
Shtetasi shqiptar ishte zhdukur nga data 19 janar 2020, kur ishte nisur nga Venezia për në Viareggio të takonte vëllain e tij. Zhdukja e 58-vjeçarit u denoncua nga vajza e tij. Mediat italiane raportojnë se trupi i viktimës u gjet në një kanal buzë binarëve hekurudhorë e rreth 1 km larg stacionit Pescia.
Autoritet dyshojnë se shqiptari ka zbritur gabimisht nga treni dhe kur ka tentuar të hipë sërish, ka rënë duke gjetur vdekjen. Ndërkohë policia italiane po heton ende për zbardhjen e plotë të rrethanave të ngjarjes.
