E premtja solli spektakël në skenën kombëtare amerikane të MMA, por ajo që do të mbahet mend gjatë është festimi që bëri njëri nga luftëtarët mbi trupin e tjetrit. Ishte përballja e LFA 36, ku një gjest i tillë vendosi dhe fatin e ndeshjes. Në ndeshjen e peshës së rëndë mes Drew Chatman dhe Irvins Ayala, Chatman u duk sikur doli triumfues kur Ayala gabimisht u rrëzua te gjuri i Chatman.
Mund të kishte qenë një nga nokautet më qesharake në historinë e MMA por gjërat u përkeqësuan kur Chatman vendosi të bënte një salto, duke përdorur trupin gjysmë koshient të Ayala-s si trampolinë. Festimi detyroi arbitrin të skualifikonte fituesin dhe t’i jepte fitoren Ayala-s.
