Një studiues i cili ishte në faza të avancuara të Covid-19, mësohet se është ekzekutuar. Studiuesi Dr. Bing Liu, 37 vjeç, ka qënë në prag të gjetjeve domethënëse lidhur me koronavirusin.
Kërkuesi 37 vjeçar, ka qenë i vetëm në shtëpinë e tij në Ross Township, kur një burrë i identifikuar si 46-vjeçari Hao Gu, dyshohet se hyri në shtëpinë e tij dhe e qëlloi për vdekje. Liu u godit me plumba në kokë, qafë dhe humbi jetën menjëherë nga plagët e marra.
I ndjeri ishte profesor asistent kërkimesh në Departamentin e Biologjisë Informatike dhe Sistemeve të UPMC. Para se të vritej, ai raportonte se ishte në faza të avancuara të COVID-it. Në një deklaratë thuhej se Dr. Bing Liu ishte në prag të zbulimeve serioze mbi mekanizmat celulare të SARS -CoV-2 dhe komplikacioneve të tij.
“Bing ishte në prag të zbulimeve serioze mbi mekanizmat celulare të SARS -CoV-2 dhe komplikacioneve të tij. Ne do të përpiqemi të kompletojmë punën e nisur prej tij, në formë homazhi ndaj punës së tij të shkëlqyer shkencore”, tha në një deklaratë departamenti i tij.
Universiteti i Pittsburgh e përshkruante 37-vjeçarin si studiues i shkëlqyer, dhe ekspert në modelet kompjuterike të dinamikës së sistemeve biologjike. Padyshim që humbja e tij do lë gjurmë në komunitetin shkencor.
“Humbja e tij do të ndjehet në të gjithë komunitetin shkencor”. Hetuesit thanë se Liu dhe njeriu që i mori jetën, e njihnin njëri-tjetrin por policia nuk ka përmendur motive të mundshme për vrasjen.
