Gazetari Enton Abilekaj thotë se atentati në Shkozet, ku mbeti i plagosur prokurori Arjan Ndoj ishte i porositur. Në studion e lajmeve të RTV Ora, Abilekaj deklaroi se roli i prokurorit Ndoj në këtë çështje është ende i dyshimtë. Ai tha se nëse Redjan Rraja është i përfshirë, atentati është bërë me porosi të dikujt tjetër. Po sipas tij, dikush tjetër është një nga të interesuarit për pronat e Gjirit të Lalzit.
Beti Njuma: Çfarë lidhje ka Rraja me personat që ka goditur?
Enton Abilekaj: Me informacionin që kemi, është një vrasje me porosi. Nëse Rraja është i përfshirë, është i akuzuar akoma, është bërë me porosi të dikujt tjetër.
Dikush tjetër dyshohet të jetë një nga të interesuarit për pronat e Gjirit të Lalzit. Këtu kemi të bëjmë me një përplasje që përfshihet “Muharremi”, Aleksandër Laho në këtë çështje.
Këto janë gjëra që janë pranuar dhe nga palët, por roli i prokurorit Arjan Ndoj është ende i dyshimtë. Ne nuk e dimë a është ky i përfshirë në favor të njërës palë apo jo”.
‘Rrumi’ i Shijakut, ‘i forti’ që udhëtonte me prokurorin/ Ja çfarë thotë Manjani
Gjykata e Krimeve të Rënda la në burg shtetasin Redjan Rraja, i cili akuzohet si autori kryesor i atentatit ndaj prokurorit Arjan Ndoja. Shoferit të tij Andi Maloku dhe shtetasit Pëllumb Muharremi, të njohur me pseudonimin “Rrumi”.
Rraja ka mohuar të ketë lidhje me ngjarjen, por në seancën me dyer të mbyllura, prokurorët paraqitën prova, që sipas tyre e implikojnë ish-stomatologun e burgut të Fushë-Krujës në atentatin e të premtes”.
“Nuk kam lidhje me ngjarjen. Atentatin e mësova nga mediat. Nuk njoh asnjë nga personat e plagosur. Shpresoj që drejtësia të bëjë punën e saj. Për gjithçka tjetër jam dakord me qëndrimet e avokatit”.
Krimet e Rënda lënë Rrajën në burg, avokati: Nuk është i përfshirë në ngjarje
