Motra e Meghan Marke ka dhënë një intervistë për një televizion britanik , ku ka folur rreth situatës së largimit të dukës dhe dukeshës së Sussex nga familja mbretërore.
Samantha Markle, 55 vjeç është vajza e Thomas Markle (babait të Meghan) nga martesa e tij e parë. Samantha shprehet se vendimi “bombë” i çiftit për t’u zhvendosur në Kanada është marrë nga Meghan dhe jo princi Harry.
Gjatë intervistës së saj për “ITV’s This Morning”, ajo tha se vendimi për t’u larguar nga familja mbretërore, pas vetëm 20 muajsh martese ishte “shkelje e rëndë e detyrës”.
“Princi Harry dhe Meghan kanë mjaft falje për të bërë. Ne nuk po flasim për adoleshentë, po flasim për të rritur që e dinin se çfarë po bënin dhe në lidhje me babanë tim ishte tepër e gabuar dhe tronditëse”, tha ajo, duke përmendur edhe situatën e konfliktit të Meghan me babain e saj.
Samantha tha se në fillim Meghan e pëlqente vëmendjen që merrte nga të qenurit pjesë e familjes mbretërore, teksa e akuzoi Meghan edhe për përdorimin e një theksi britanik fals.
Ajo gjithashtu tha se padia që Meghan ka ngritur ndaj një gazete britanike është ‘qesharak’ dhe e paralajmëroi atë se nëse rasti do kalojë në Gjykatën e Lartë, “e vërteta” do të dilte në shesh.
