29-vjeçari nga Vlora, i cili u arrestua mëngjesin e sotëm në zonën e “Ali Demit”, rezulton të jetë një emër i njohur për drejtësinë.
Taulant Manaj, i cili njihet ndryshe edhe me mbiemrin ‘Beqiraj’, është përballur disa herë me drejtësinë kohët e fundit. Në shkurt të vitit 2018, ai ishte i përfshirë në një konflikt me armë mes dy bandave në Vlorë. Por u la i lirë nga gjykata, me masën “Arrest shtëpie”.
Vetëm pak muaj më vonë, 29-vjeçari e kishte thyer masën e arrestit në shtëpi. Ai u kap nga policia në Vlorë, teksa qarkullonte me armë zjarri pa leje, por u la sërish me “Arrest shtëpie”.
Në shtator të vitit 2018, Gjykata e Vlorës vendosi ta rikthejë në burg Taulant Manajn. Por 29-vjeçari arriti t’i arratisej policisë dhe të shpëtonte sërish nga drejtësia.
