Gjykata e Beratit liroi 66-vjeçarin me inicialet R. O., i cili u arrestua për ngacmim seksual ndaj një 16-vjeçari. Për të gjykata caktoi masën “detyrim paraqitje”, ndërsa seanca është zhvilluar me dyer të mbyllura.
Pedofili 66-vjeç ka mbërritur në gjykatë nën masa të rrepta sigurie, dhe seanca e dhënies së masës së sigurisë ndaj tij është kryer me dyer të mbyllura dhe pa praninë e gazetarëve. Prokurori i çështjes, Tasim Puci, i ka kërkuar gjykatës vlerësimin “të ligjshëm” të arrestimit të tij dhe dhënien e masës së sigurisë “arrest me burg”. Prokurori Tasim Puci i ka argumentuar kërkesat e tij para gjykatës me dëshminë e dhënë në polici e prokurori nga 16-vjeçari K.J, që ka rrëfyer ngacmimet seksuale prej disa muajsh. Si dhe në bazë të raportit mjeko-ligjor që ka konstatuar shenja të dukshme të ngacmimit seksual tek djali 16-vjeçar.
Gjyqtari Durim Hasa ka vendosur ta lërë të lirë 66-vjeçarin, duke i caktuar masën e sigurisë “detyrim paraqitje”. 16-vjeçari e ka denoncuar të moshuarin në polici mbrëmjen e së shtunën, duke rrëfyer gjithë historinë disa mujore të ngacmimeve seksuale që kishte ushtruar ndaj tij R.O, që rezulton të jetë komshiu i tij.
Sakaq, në sallën e gjyqit 66-vjeçari ka thënë se ditën e ngjarjes ishte i pirë dhe se ishte në një marrëdhënie me pëlqimin e të dyve, prej disa kohësh.
