Gjykata e Tiranës ka caktuar masën e sigurisë “arrest me burg” për Albano Kusin. Pasi akuzohet për “Veprime që pengojnë zbardhjen e të vërtetës” lidhur me vrasjen e teknikut të kondicionerëve, Indrit Çelaj.
Gjatë seancës gjyqësore, Kusi ka mohuar akuzën dhe është shprehur se ka qenë me të dashurën. Ndërsa shtoi se nuk ka kryer asnjë veprim që pengon hetuesit për të zbardhur ngjarjen.
Sipas avokatit të tij mbrojtës, Kusi ka shkuar në banesë disa kohë më vonë nga ngjarja dhe vëllain e ka takuar pas 5 orësh.
Çelaj u qëllua me plumb në kokë më 22 gusht të këtij viti, teka punonte në vilën e Bujar Kusit, babait të dy vëllezërve. I ndjeri po merrej me rregullimin e kondicionerit.
Po ashtu, në polici u vetëdorëzua disa javë më parë edhe Griseldo Kusi, vëllai i Albano Kusit, i cili ka pranuar ngjarjen duke mohuar përfshirjen e të vëllait.
