Blogeren Lori Hoxha e shohim tepër aktive në “Instagram”, ku zgjedh të ndajë më ndjekësit momente nga jeta e saj.
Së fundmi, Lori ka vendosur t’u përgjigjet pyetjeve në lidhje me ankthin. Nga përgjigjet e dhëna, mësojmë se ankthi ka filluar në vitin 2012, teksa ishte në një sallon bukurie dhe për pak mendoi se po kalonte një atak në zemër. Nga ku u transportua menjëherë në spital.
Më pas, blogerja shprehet se filloi të mendonte se mund të vuante nga një sëmundje e rrallë, dhe për këtë arsye la shkollën dhe nisi kontrollet nëpër spitale për 8 muaj.
“Derisa një ditë, pasi kërkova në Google për disa nga simptomat e mia gjeta disa forume për panikun dhe ankthin dhe aty gjeta vetveten”, shkruan Lori.
Ndër të tjera, ajo rrëfen se nuk merr mjekime të përditshme, por mbante gjithmonë me vete një qetësues, ndërsa shton se ka pasur shumë dhimbje, probleme me frymëmarrjen, dridhje trupi, marrje mendsh dhe 100 simptoma të tjera, të cilat e detyruan të mendonte se kishte tumor apo kancer.
