Njerëz të ish-Sigurimit të Shtetit, të dënuar nga dy herë dhe persona që kanë fshehur pasurinë e tyre pritet të bëjnë Vettingun ndaj gjyqtarëve dhe prokurorëve.
Kandidatë për në Këshillin e Lartë të Prokurorisë dhe atë Gjyqësor si Altin Hazizi, Kozma Jano, Alfred Balla, Sokol Lamaj dhe Ilir Panda rezultuan me shkelje të mëdha ligjore dhe kushtetuese, kur në jetëshkrimin e tyre u pikasën të dhëna komprometuese.
Këto të dhëna nuk u morën parasysh nga sekretariati i Kuvendit duke i kaluar kandidaturat pa asnjë verifikim paraprak, aq sa u desh opozita dhe mediat që të denonconin kandidatët e lartëpërmendur si ish-spiunë të Sigurimit të Shtetit dhe të dënuar nga dy herë, përkatësisht Kozma Jano dhe Altin Hazizaj.
Opozita kërkoi që Sekretari i Përgjithshëm i Kuvendit, Genc Gjonçaj të ndiqej penalisht për shpërdorim detyre dhe për fshehjen të dhënave komprometuese të kandidatëve për në KLGJ dhe KLP, shkruan Tirana Today.
I kontaktuar nga redaksia e Tirana Today, Gjonçaj u përgjigj shkurtimisht se nuk ka fshehur asnjë të dhënë, ndryshe nga pretendimi i kreu i grupit parlamentar të LSI-së, Petrit Vasili.
“Jo, nuk kam fshehur asgjë”, tha Gjonçaj shkurt, duke mos komentuar akuzat e Vasilit, akuza të cilat nisin që manipulimi i procesit e deri tek fshehja e të dhënave e kandidatëve. Ndërsa i bëri apel prokurores së përgjithshme të nisë procedim penal ndaj sekretarit Gjonçaj.
Gjonçaj njihet si një nga njerëzit që i kanë shërbyer rregullisht Partisë Socialiste që nga përfaqësimi i kësaj të fundit të Komisionin Qendror të Zgjedhjeve, më pas si sekretar i Përgjithshëm në Ministrinë e Brendshme dhe tashmë si Sekretar i Përgjithshëm i Kuvendit.
“I bëj thirrje prokurorisë shqiptare nëse ka paanësi, të fillojë ndjekje penale për Sekretarin e Përgjithshëm Kuvendit të Shqipërisë Genci Gjonçaj që ka manipuluar këtë proces, që nga fshehja e rekordeve të kandidatëve, manipulimi i të dhënave të ONM, ka shpërdoruar detyrën”, tha ndër të tjera Vasili.
Kjo akuzë e tij, vjen pas skandalit të djeshëm me kandidatët për KLGJ dhe KLP, të cilët rezultojnë se nuk përmbushin kriteret dhe se kanë gënjyer në formularin e vetëdeklarimit.
LEXO EDHE: DOKUMENTET/ISH-SPIUNË, TË DËNUAR DHE HAJDUTË NË KRYE TË VETTINGUT
https://tiranatoday.com/dokumentetish-spiune-te-denuar-dhe-hajdute-ne-krye-te-vettingut/
