Kryeparlamentari Gramoz Ruçi i shoqëruar nga ministri i Brendshëm, Sandër Lleshaj, kanë vizituar kryebashkiakun e Lushnjës, Fatos Tushe, i cili mbeti i plagosur brenda ambienteve të Bashkisë.
Pas ngjarjes së rëndë, ku si autor dyshohet të jetë ish-shoferi i tij, Tushe u transportua me shpejtësi drejt Spitalit të Traumës për një mjekim më të specializuar.
Heqja nga puna rreth 3 vite më parë si shofer i kryebashkiakut Fatos Tushe, mbetet pika kryesore e hetimit të policisë lidhur me hedhjen e granatës në zyrën e Bashkisë Lushnje nga Gëzim Saraçi.
Ky i fundit, mëngjesin e sotëm është paraqitur në zyrën e kryebashkiakut të Lushnjes dhe hodhi një granatë dore në zyrën e tij.
Nga shpërthimi i granatës u plagos Tushe dhe sekretarja e tij.
Atentati ndaj kryebashkiakut të Lushnjes / Policia: Autori në kërkim
