Teksa merr shkas nga vendimi i presidentit Meta për të shtyrë datën e zgjedhjeve, ish-ministri i Drejtësisë, Ylli Manjani shprehet se vendi ka nevojë për një parlament pluralist, ndaj sipas tij shtatori ose tetori është periudha e duhur për zgjedhje parlamentare.
Përmes një statusi në “Facebbok”, Manjani shkruan se pikërisht këtë gjë po planifikonte të realizonte edhe kryeministri Rama, por pa opozitën.
Ndër të tjera, ish-ministri propozon si datë të re zgjedhjesh lokale, datat 14 ose 21 korrik, ndërsa shton se duhet të përgatitemi për të dy palët e zgjedhjeve.
Postimi i plotë:
Si datë të re zgjedhjesh lokale mund të ishin datat 14 ose 21 korrik.
Është krejt e mundshme pa sforco ligjore, sepse nga pikpamja Kushtetuese nuk ka asnjë problem.
Por insistoj, vendit i duhet sa më parë Parlamenti pluralist!
Kështu që vendi duhet të bëhet gati për zgjedhje parlamentare në vjeshtë. Shtator-Tetor është periudha e duhur…
Këtë gjë planifikonte të bënte edhe Rama, por e kishte në plan pa opozitën….
Pa opozitë nuk ka zgjedhje!
Tani është koha për ndonjë hap pas dhe për t’u përgatitur për të dy palët e zgjedhjeve!
