Ish-ministri i Drejtësisë, Ylli Manjani, ka këshilluar presidentin Ilir Meta për të dekretuar Sandër Lleshin si Ministër i Brendshëm. Sipas tij, për të kaluar këtë ngërç, duhet të sqarojnë nëse i plotëson apo jo kushtet e neneve 70 dhe 103 të Kushtetutës.
Duke bërë këtë analizë, Manjani i vihet në mbrojtje Metës, lidhur me mosdekretimin. Kjo si një formë ndëshkuese ndaj sjelljes së papranueshme të Ramës. Për të, është e patolerueshme që ryeministri shkarkon e propozon ministra vetëm me anë të një postimi në rrjetet sociale.
Por duket se loja tashmë ka ndryshuar, pasi vetë Rama ka dërguar një relacion shpjegues. Tani mbetet për të verifikuar ka apo jo pengesa kushtetuese. Nëse pengesa nuk ka, ose bien, Manjani gjykon se presidenti Meta duhet ta dekretojë Sandër Lleshin.
