Ish-ministri i Financave, Arben Malaj, i ftuar mbrëmjen e djeshme në emisionin “A Show” komentoi aktualitetin politik në vend.
Malaj ka hedhur kritika ndaj qeverisë, veçanërisht ndaj kryebashkiakut të Tiranës, Erion Veliajt.
Sipas ministrit, socialistët tashmë po qeverisin me arrogancë, teksa zgjedhë të marrë si model të arrogancës Veliajn, për të cilin, Malaj shprehet se “harxhon mijëra orë në TV duke mbjellë pemë për të përmirësuar imazhin”.
“Është rritur arroganca e qeverisjes ndaj shqiptarëve. Rritja e arrogancës fillon nga Bashkia e Tiranës. Kam kundërshtuar moslejimin e shitësve në rrugë. Nuk po flas për qumështin, por si mund të sillesh me arrogancë për atë që nxjerr dy tufa presh, një arkë domate, disa qepë për të blerë një palë këpucë, për të dërguar djalin në shkollë apo për të shkuar diku.
Ne qeverisim me gjoba, jo me zemër. Dhe pastaj harxhon mijëra orë në TV duke mbjellë pemë për të përmirësuar imazhin. I gatshëm të përballem me Veliajn për këto çështje. Nuk kthehem në politikë nëpërmjet kësaj PS-je. PS e vërtetë janë njerëzit e thjeshtë, jo ato që vodhën pushtetin”, deklaroi Malaj.
