Konkurrenti nga Kosova në “Për’puthen”, Beart Rexhepi, është larguar pak ditë më parë nga emisioni. Ikja e tij nuk paska qenë aq paqësore sa ç’dukej, ose çfarë pasqyroi ai në një mesazh në Instagram. Pas një mesazhi thumbues ku fajësonte autoren e emisionit, kjo e fundit ka thyer heshtjen.
Autorja e programit “Për’puthen”, Olsa Muhameti, ka akuzuar Beartin për dezinformim dhe deklarata të pavërteta të thëna publikisht.
Ajo tregon se ndaj këtij konkurrenti, ka nisur një proces juridik. Olsa shprehet se liria e fjalës ka kaluar në abuzim, teksa shpjegon se është shumë e vështirë të jesh në krye të “Për’puthen” me një numër të madh karakteresh të ndryshëm nga njëri-tjetri.
