Ish-eurodeputetja dhe raportuesja për Shqipërine në PE, Doris Pack reagon sa i përket situatës konfuze politike, të krijuar në vendin tonë.
Nëpërmjet një postimi në Twitter, Pack shprehet se nuk është parë asnjëherë që në një vend demokratik kryeministri i vendit të veprojë kundër dekreteve të Presidentit.
Më tej, ajo shprehet se zgjedhjet pa opozitën janë një farsë dhe nëse OSBE i njeh këto zgjedhje, atëherë ajo është bashkëfajtore.
Postimi i Doris Pack:
Në një vend demokratik, asnjëherë asnjë kryeministër nuk do të vepronte kundër dekretit të presidentit të vendit dhe duhej t’i përmbahej. Gjykata duhej që të pengonte zgjedhje që nuk janë në përputhje me dekretin e presidentit.
Por qytetarët çfarë duhet të bëjnë? Ata duhet të dinë se zgjedhjet pa opozitën janë një farsë. Nëse OSBE njeh zgjedhjet, kjo e bën bashkëfajtore.
