Ish-deputeti i PD, Enkelejd Alibeaj është shprehur se protesta që do të zhvillohet nga opozita në datën 13 prill, do të jetë më e madhe se ajo e organizuar në 16 shkurt.
I ftuar në “News 24”, Alibeaj nuk tregoi kohëzgjatjen e kësaj proteste.
“Nuk ka asgjë për t’u fshehur. Kemi organizuar protesta të mëdha. Mjeti i vetëm përballë kësaj qeverie mbetet protesta. Do jetë shumë herë më e madhe se ajo e 16 shkurtit dhe 16 marsit”, deklaroi ish-deputeti.
I pyetur pse po zhvillohet pasdite protesta e radhës, Alibeaj theksoi se nuk po përdoret ndonjë lloj strategjie.
“Janë bërë protesta në mes të ditës, në pikë të diellit, në darkë janë bërë. Nuk ka asnjë lloj strategjie okulte, ditën e shtunë më 13 prill të gjithë qytetarët që e kanë një hall me këtë qeveri uzurpatore do të duhet të jenë aty”, tha ish deputeti, duke shtuar se Rama duhet shkulur që aty”, tha ai.
