Nënkryetari i Partisë Demokratike, Edmond Spaho ka reaguar lidhur me amendamentin e miratuar nga Komisioni i Ligjeve për të gjithë ata që kryejnë “krime zgjedhore”.
Përmes një postimi në “Facebook”, Spaho nënvizoi se Rama ditën e sotme i ka kërcënuar shqiptarët se do t’u heqë lirinë për të udhëtuar nëpër botë.
Ndër të tjera, ish-deputeti shkruan se kryeministri po përpiqet të ruajë pushtetin dhe paratë e grabitura me “dhunë, kërcënime, përçarje dhe nxitje të vëllavrasjes”.
“Pasi i la pa gjykata dhe drejtësi, Edi Rama sot i kërcënoi shqiptarët se do t’u heqë lirinë për të lëvizur nëpër botë, të cilën e fituan pas shumë vuajtjesh e sakrificash.
Polici, gazlotjellës, dhunë, kërcënime frikësim, përçarje dhe nxitje të vëllavrasjes. Këto janë mjetet me të cilat Edi Rama po përpiqet të ruajë pushtetin dhe paratë që ka vjedhur.
Nuk do ta shpëtojë dot asgjë. Opozita është e palëkundër kundër pushtetit të tij kriminal dhe shqiptarët janë të vendosur për të mbrojtur demokracinë dhe për të ndëshkuar politikanët e lidhur me krimin”, shkruan Spaho.
