Aktorja e njohur, Arjola Demiri, tronditi opinionin publik kur zbuloi se ka rënë pre e dhunës së ish-bashkëshortit të saj. Ajo ka ndarë me banorët e “Big Brother” episode nga jeta e saj private, dhe vështirësitë që ka hasur me rritjen e tre fëmijëve.
Arjola ka pranuar publikisht se ish-bashkëshorti e dhunonte fizikisht, dhe se e ka tradhtuar për gjashtë vite me rradhë, ku ajo ishte në djeni. Burime për “Albeu.com” kanë mësuar se ish-bashkëshorti i Arjola Demirit është Ajax Boshnjaku. Ai është personazh i njohur për mediat dhe botën e krimit.
Emri i Ajax Boshnjakut është bërë i njohur në tetor te 2018, ku ishte i përfshirë në masakrën e ish-Bllokut, ku mbeti i vrarë Fabiol Gaxha. Ajaxi, miku i i Ervin Matës u akuzua për “moskallëzim krimi”. Të njëjtat burime shtojnë se Ajax Boshnjaku është sot babai i dy djemve binjak me një grua tjetër, me të cilën Arjola Demiri ka edhe çështje penale.
Arjola ka treguar se ka marrë kujdestarinë e tre fëmijëve që ka patur nga bashkëjetesa me Ajaxin, pasi ajo nuk ka pasur një celebrim me ligj me të.
Aktorja zbuloi gjatë spektaklit të “Big Brother” se ishte vetëm 21 vjeç, kur ka sjellë në jetë fëmijën e saj të parë. Ajo rrëfeu më tej se e ka falur për gjashtë vite rresht dhe më pas vendosi të divorcohej nga bashkëshorti.
Fill pas kësaj, Arjola është nisur drejt Suedisë pa dijeninë e askujt, së bashku me tre fëmijët e saj, ku ka jetuar aty për shumë vite.
