Policia e Tiranës ka nxjerrë detajet e reja në lidhje me arrestimin e ish-futbollistit të njohur të kombëtares shqiptare, Klodian Duro. Prangosja e tij është kryer nga Specialistët për Hetimin e Krimit në Komisariatin Nr.2.
Burimet zyrtare të uniformave blu thonë se Klodian Duro ka ushtruar dhunë fizike ndaj ish-bashkëshortes, si edhe e ka përndjekur në menyrë të vazhdueshme.
Lidhur me këtë rast, materialet proceduriale iu referuan Prokurorisë pranë Gjykatës së Shkallës Parë Tiranë, për veprat penale “Dhuna në familje”, “Përndjekja” dhe “Veprime në kundërshtim me vendimet e gjykatës”.
Njoftimi
Nga Specialistët për Hetimin e Krimit në Komisariatin Nr.2 është arrestuar në flagrancë shtetasi K.D., 43 vjeç, banues në Tiranë.
Arrestimi i këtij shtetasi u bë pasi, duke thyer urdhrin e mbrojtjes e marrë nga ish-bashkëshortja e këtij shtetasi, ka ushtruar dhunë fizike ndaj saj si edhe e ka përndjekur në menyrë të vazhdueshme .
Materialet proceduriale u referuan Prokurorisë pranë Gjykatës së Shkallës Parë Tiranë për veprat penale “Dhuna në familje”, “Përndjekja” dhe “Veprime në kundërshtim me vendimet e gjykatës”.
