Kryetari i LDK-së, Isa Mustafa, pas mbledhjes me nënkryetarët e partisë, u është përgjigjur pyetjeve se a do të jetë ai kandidati i LDK-së për kryeministër, nëse i jepet mandati partisë së tij.
I pyetur nëse ka apo jo vullnet që të udhëheqë qeverinë, Mustafa u përgjigj: “Po them, kam arsye”.
Mirëpo sipas tij ende nuk është diskutuar emri i kandidatit për kryeministër.
“Emrin nuk e dimë akoma. Kur të vijë puna ta marrim mandatin, atëherë do ta sqarojmë emrin në struktura të LDK-së, pastaj ta bëjmë publike.
Unë do të bëj përpjekje maksimale që zgjedhja të jetë më e mira për LDK-në, por nuk e kemi diskutuar akoma”, u shpreh Mustafa.
