Artistja e madhe e skenës shqiptare, Irma Libohova, ka ndarë me publikun në “Këndo këngën time” në Vizion Plus, emocionet që ka marrë gjatë viteve në skenë. Ndonëse gjithë jetën e kanë ndjekur çmimet e dyta dhe të treta nëpër festivale, për të, nuk është pozicioni ai është të jep famë.
“Unë gjithë jetën çmime të dyta e të treta kam marrë. Nuk është vendi ai që të përcakton”, ka përfunduar Irma.
E pyetur nga moderatori Ardit Roshi për gabimin e saj më të madh artistik, Irma u shpreh: “Ndoshta kam kënduar shumë tepër, shumë tepër këngën ritmike pa ju kthyer edhe baladave ndoshta, kështu mendoja”.
Këngëtarja ka rrëfyer edhe për emocionet e marra nga këngët e saj, të cilat këndohen nga çdo grupmoshë. Ajo tha më tej me shaka se audienca e saj kap moshën 2 deri në 102 vjeç.
“Emocioni i parë me vjen për faktin që edhe këngët që 30-të vite më përpara, ose 40 apo 50 vite janë risjellë prapë sot edhe ende këndohen sot. Prapë do ta përsëris, ka dhe humor, batuta brenda që audienca ime është nga 2 deri në 102 vjeç.
Kënga “Gabimi i Mirelës”, ka më së paku 50-të vjet që është kënduar dhe këndohet. Për këtë fakt jam shumë e gëzuar. Fakti tjetër është që të rinjtë mundohen, sepse ata janë të rinjtë e këtij shekulli dhe kanë të tjera nuanca. Të tjera mënyra të tjera si e këndojnë këngën”, ka përfunduar Irma.
