Mbrëmjen që lamë pas, kryeministri Rama ka folur për televizionin italian “Telenord”, pas vizitës në Itali dhe takimin me Cristiano Ronaldon. Rama është ftuar në një lidhje telefonike, për të folur jo vetëm për sportin, por edhe për tragjedinë e Gjenovës dhe emigrantët. Ai solli në kujtesë humbjen e jetës së dy shqiptarëve, ndërsa nuk nguroi që ta konsideronte Italinë si një atdhe të dytë. Gjatë intervistës u prek edhe deklarata e ministrit të Jashtëm, e duke qëndruar në të njëjtën linjë, Rama u shpreh se Italia ka qenë toka jonë e premtuar, dhe se italianët nuk na lanë kurrë në mes të detit.
Edi je?
Po, po jam, mirëmbrëma!
Do doja të filloja me një pyetje të veçantë. Genova është në periudhë zie, dua të vihem në vendin e një administratori, politikani, cilat janë fjalët që dalin nga ata si ju, që keni përgjegjësi dhe që duhet të administrojnë një territor dhe ndodh pastaj ajo që ndodhi?
Ishte e tmerrshme dhe ne humbën bashkëqytetarët tanë, dy djem shqiptarë që jetonin e punonin në Genova, dhe për fat të keq nuk i shpëtuan dot kësaj. Ishte e tmerrshme. Në këto rrethana e vetmja gjë që nuk duhet bërë janë polemikat e kota, se i kujt është faji.
Genova është një qytet i kërkuar nga studentët tuaj, janë shumë studentë që e kërkojnë Genovën?
Po është e vërtetë, është një qytet fantastik nga shumë këndvështrime. Shumë qytete italiane janë pak si vendi ynë. E konsiderojmë Italinë si një atdhe të dytë.
Mua më pëlqeu deklarata e ministrit të Jashtëm shqiptar, që ne do i kthejmë Italisë çfarë na ka dhënë tha, se do pranojmë disa emigrantë. Më duket një gjë shumë e madhe?
Ne i kemi njohur ato momente, kemi qenë ne dikur eritreas. Italia ka qenë toka jonë e premtuar dhe italianët nuk na lanë kurrë në mes të detit. Për fat të keq, kohët kanë ndryshuar. Italia ka qenë ndoshta vendi më mikpritës i Europës në 30 vitet e fundit, por është lënë vetëm. Nuk është se ne mund të zgjidhim shumë për këtë çështje nisur nga graviteti i problemit, por kur mund të jepet një dorë, për ne ishte një detyrim të thoshim se mund të bëjnë atë që mundemi, duke shpresuar që Europa të zgjohet dhe që ky problem të zgjidhet në selinë europiane, sepse asnjë vend nuk mund t’i zgjidhë i vetëm këto probleme. Është shumë zhgënjyese të shohësh se si bëhen samite, mbledhje, dhe në fund Italia, Greqia vuajnë njësoj.
Trajtojmë një argument më të lehtë. U takuam në stadium. Arritja e Cristiano Ronaldos në Itali, sipas teje, çfarë do të thotë?
(qesh) Ti e di që unë bëj tifo për Kombëtaren shqiptare dhe për këtë jemi dhe miq përgjithmonë, sepse ka qenë një trajner i madh i yni që iku shumë shpejt dhe pastaj Giani de Biazi mblodhi frytet e tij, bëj shaka. Përveç Kombëtares shqiptare, ti e di që shqiptarët kanë bërë gjithmonë tifo për Italinë, dhe pastaj jemi të ndarë, juventinë, milanistë, ka edhe interistë, por ata të shkretët vuajnë pak. Juve është një çështje besimi, unë e ndjek që kur isha 6 vjeç. Ishte televizioni bardhë e zi dhe tani bardhë e zi është Juve.
Të falenderoj për rrëfimin. Do shihemi shpejt, shpresoj që në ndeshjen e parë që Shqipëria do luajë në shtëpi, të jem me ju.
Për mua nuk është vetëm një çështje tifozërie apo futbolli, për mua është mënyra se si Juve bën skuadrën apo lufton si skuadër. Është gjithmonë një frymëzim. Të falenderoj për telefonatën, dhe shpresoj të shikoj në Shqipëri së shpejti.
