Interi ka marrë një fitore mjaft të rëndësishme në Holandë ndaj PSV-së, e cila e bën të hedhë një hap mjaft të rëndësishëm për ecurinë në Champions League. 1-2 ka fituar ekipi i drejtuar nga Spalletti në një ndeshje ku ka dominuar në pjesën më të madhe dhe ka krijuar shumë raste. Ishin vendasit që zhbllokuan rezultatin me një gol mjaft të bukur, të shënuar nga jashtë zone nga Rosario. Ndërsa Interi i është përgjigjur me një gol spektakolar nga jashtë zone nga Nainggolan.
Në pjesën e dytë zikaltërit tregohen më të rezervuar dhe presin momentin që ta shfrytëzojnë. Ashtu ndodh, është kapiteni Mauro Icardi që shfrytëzon mjaft mirë një top të hedhur në zonë dhe dërgon topin në rrjetë. Një fitore mjaft e rëndësishme për zikaltërit.
Barcelona ka shkatërruar 2-4 Tottenhamin në “Ëembleay”, në një fushë nuk ishte në kushte aspak të mira. Ishta Coutinho që e hapi serinë e golave që në minutën e dytë, pas një aksioni mjaft të bukur.
Në minutën e 28’ perla e Rakitic i jep avantazhin e dyfishtë vizitorëve. Kroati ka lëshuar një predhë nga rreth 30 metra me topin që ka prekur shtyllën e majtë përpara se të shkonte në rrjetë. Goli i Rakitic zgjon vendasit që duan të kundërpërgjigjen me golin e Trippier, por arbitri e anulon për një top të prekur me dorë. Pas pushimit situata nuk ndryshon.
Barcelona mbetet dominuese dhe vetëm shtylla e shpëton Tottenham në fillim të pjesës së dytë. Harry Kane tregon klasin e tij në minutën e 52’ duke u dhënë shpresë vendasve me një gol fantastik. Por Barça kundërpërgjigjet menjëherë me golin e Lionel Messi-t. Jordi Alba sërish vendimtar me një tjetër asist të artë. Por Tottenham nuk dorëzohet dhe Lamela ngushton përsëri rezultatin me një gol me shumë fat. Gjithsesi Barcelona ka eksperiencën e duhur për ta përballuar presionin e Tottenham dhe shënon Messi shënon golin që vulosi fitoren në fund të takimit.
Ndërsa në ndeshjet e tjera Napoli ka mposhtur Liverpoolin në “frymën e fundit” me një gol të realizuar nga Lorenzo Insigne. Napolitanët pas kësaj fitoreje mbajnë vendin e parë në grup me 4 pikë. Ndërsa Atletico ka fituar falë dy golave të Griezmann dhe atij të Koke ndaj Club Brugge. Miqve nuk u ka mjaftuar eurogoli i shënuar nga Groeneveld.
Dortmundi ka mposhtur me lehtësi Monacon me tre gola diferencë në “Signal Iduna Park”. Të tre golat janë shënuar në pjesën e dytë me autorë Larsen, Paco Alkacer dhe Reus në minutën e fundit. Ndërsa Portos i ka mjaftuar vetëm një gol për të marrë tre pikët përballë Galatasarait.
