Klubi italian i Interit do të nxirret në shitje. Presidenti aktual i zikaltërve, Steven Zhang ka deklaruar për “Sole-24” se shumë shpejt klubi do të ketë pronarë të rinj.
Kompania kineze Suning është në bisedime me dy kompani, përkatësisht BC Partner dhe Lion Rock. Mediat në Itali prej ditësh flasin se Suning tanimë nuk e dëshiron më Inter dhe shumë e vendosur për aksionet e klubit është 400-500 milion euro, pa përfshirë borxhet neto.
Ditët e ardhshme janë vendimtare për zikaltërit, që pritet të mësojnë presidentin e ri. Në Itali, fillimisht mendohej se Interi thjesht po kërkonte aksionerë për të rifinancuar borxhet prej 300 milionë eurosh.
Por, ky lajm mund të ndryshojë plotësisht planet në klub dhe mund të turbullojë ambientin zikaltër në një sezon që dukej si ai i duhuri për t’u kthyer në majën e futbollit italian.
