Inter ka pësuar një humbje e cila e fut në krizë, është Parma që del me tre pikë nga “San Siro”. Tre pikë që zikaltërit nuk duhet ti diskutonin përballë një ekipi që sapo është ngjitur në Serie A, por që e ka mjaft të vështirë të shënojë. Janë djemtë e Spallettit ata që dominojnë lojën dhe krijojnë raste pa fund, por që nukl tregohen asnjëherë të saktë para portës.
Pjesën e parë e dominojnë totalisht, Perisic, Nainggolan dhe Keta Balde përpiqen por nuk arrijnë të gjejnë portë. Në pjesën e dytë në fushë zbret kapiteni Icardi, por edhe ky i fundit nuk arrin të bëjë shumë, pasi mungon dhe furnizimi me topa.
Por pas shumë mundësive të shpërdoruara, vjen një skenar tipik për Inter. Parma arrin të dalë përpara në minutën e 79’ dhe zhbllokon rezultatin me një gol nga distanca të Dimarco.
Kaq majfton për tre pikët, teksa Inter u mundua të shpëtonte të paktën një pikë por ishte e pamundur.
