Inter ka synim, sezonin e ardhshëm, të rikthehet fuqishëm si në merkaton e transferimeve, ashtu edhe në performancat e skuadrës. Mesa duket Pioli po humbet besimin e stafit drejtues dhe, për këtë, Tohir ka filluar duke kërkuar për një trajner të ri.
Sipas “La Gazzetta dello Sport”, në krye të listës vazhdon të jetë trajneri i Chelseat, Antonio Conte, ndërsa në vendin e dytë, ai i Atletico Madridit, Diego Simeone.
Ndërsa tashmë raportohet se kanë filluar kontaktet me trajnerin e Napolit, Maurizio Sarrin. Kontakte ka pasur edhe me trajnerin aktual të Romës, Luciano Spalletti.
Nuk bëhet e qartë se çfarë mund të kërkonte më shumë Tohir nga ekipi aktual, por duket se për sezonin e dështuar, “koka turke” do të bëhet Pioli.
