Nikolas Pepe është një nga emrat më të kërkuar në këtë merkato, pas sezonit fantastik me Lil në Francë. Napoli interesohet për sulmuesin nga Bregu i Fildishtë, dhe tashmë mendohet se e kanë bërë ofertën e parë. Në ofertë përfshihet kartoni i Adam Unas plus 55 milionë euro, për të marrë shërbimet e sulmuesit.
Sipas “SportItalia”, fakti që Napoli këmbëngul për ta marrë Xhejms Rodrigez në formën e huazimit, përkon me faktin që italianët do të shpenzojnë një shumë të madhe për sulmuesin 24-vjeçar. Por sipas asaj që shkruan “L’Eqipue”, në garë për lojtarin në fjalë është edhe Interi, të cilët mendohet se do të nisin një ofertë në drejtim të ekipit francez.
Tek zikaltërit objektivi primar është Lukaku, por në rast se marrëveshja dështon ata do të nisin tratativat me drejtuesit e Lil. Pepe shënoi 23 gola gjatë sezonit të fundit, dhe kjo ka bërë që në drejtim të tij të ketë oferta të shumta. /panorama
