Shqiptarët prej vitesh duan që të bëhen pjesë e BE-së, por jo të gjitha vendet anëtare të unionit janë dakord që të hapen negociatat për anëtarësimin e Shqipërisë në BE. Jo më larg se dje Presidenti i KE-së, Donald Tusk tha se jo në të gjitha kryeqytetet e BE-së ju presin si në Bruksel(lajmin e plotë lexojeni këtu). Këtë gjë e theksoi akoma më shumë dhe kryeministri Edi Rama në samitin për Ballkanin Perëndimor organizuar nga Miqtë e Evropës. Rama në fjalën e tij deklaroi se mediat e një vendi anëtar të Bashkimit Evropian, sulmojnë Shqipërinë për krimin etnik shqiptar, ndërsa statistikat flasin ndryshe.
“Shans unik për tu anëtarësuar në BE, me rëndësi është themelimi i emisioneve, ne po sulmohemi çdo ditë në gazeta për krimin e organizuar shqiptar. Në Shqipëri ka largim nga vendi ashtu si në të gjithë vendet e tjera. Kemi një shtet anëtar me një ekip të shkëlqyer futbolli ku çdo ditë sulmohemi nëpër gazeta për krim etnik shqiptar. Në Shqipëri krimi i organizuar vetëm 0.4 për qind , ndërsa ka vende që krimi i organizuar zë 30%. Fillimisht kishin bullgarët sepse deshën të vrisnin Papën. Nuk kam informacion që ndonjë prej vendeve të rajonit që po i bien derën se duam të bëhemi anëtar tani. Në mes të Evropës kryeministri gjatë zgjedhjeve është kërcënuar me vdekje. Nuk mund të themi që Rusia nuk ka asgjë për të ofruar. Në rajonin tonë ka shumë etni. N.q.s se beja nuk do të vrapojë të na kapë do të ketë një larmi gjerash të tjera dhe atëherë do të jetë shumë e vonë që të martohet me ne,” u shpreh kryeministri Rama.
Rama tha se kur Ballkani ishte në gjendjen më të keqe, BE-ja ishte në gjendjen më të mirë, ndërsa tani situata ka ndryshuar.
“Unë shpresoj që shtetet anëtare do të pajtohen me BE-në dhe BE-ja të jetë ashtu siç e kemi njohur dhe siç kemi ëndërruar për të dhe jo diçka tjetër. Duket se mallkimi është Ballkani. Kur BE-ja ishte në formën e saj më të mirë, ne ishim në formën më të keqe, tani që jemi në formën më të mirë, BE-ja jo se është në formën më të keqe, por po shkon në këtë drejtim,” deklaroi Rama.
