12 shtete anëtare të BE-së i janë drejtuar me një letër presidentit të Komisionit Europian, Zhan Klod Junker, ku i kërkojnë përshpejtim të integrimit të Ballkanit Perëndimor. Mes vendeve kandidate për tiu bashkuar BE-së është dhe Shqipëria.
Nismën për këtë letër e kanë marrë Suedia dhe Finlanda, ndërsa ka edhe mbështetjen e Bullgarisë, që ka marrë presidencën e BE-së.
Në letër theksohet se nuk kërkohen lëshime përsa u përket kushteve që kanë të bëjnë me luften ndaj korrupsionit e trafiqeve ilegale, funksionimin e shtetit ligjor, fqinjësinë e mirë dhe të drejtat e njeriut, por ndihmë për të përparuar drejt BE-së.
12 shtetet anëtare të Bashkimit Europian theksojnë se duhet bërë gjithçka për t’i afruar në familjen europiane në kushtet kur Rusia, Turqia apo Kina po shtojnë ndikimin në rajon.
Viti 2025 shihet si objektiv ambicioz për të përfshirë në familjen evropiane Malin e Zi dhe Serbinë e më tej shtetet e tjera të rajonit.
“Ballkani Perëndimor është një prioritet i Komisionit Europian si dhe një prioritet i Bullgarisë”. Kjo është ajo që Presidenti i KE Jean-Claude Juncker tha gjatë takimit të tij me Kryeministrin Bojko Borisov në Këshillin e Ministrave, një ditë më parë në Bullgari.
Juncker tha gjithashtu se ishte i impresionuar nga hapja e presidencës evropiane mbrëmë në Teatrin Kombëtar .
Temat kryesore që duhen konsideruar janë kuadri i përgjithshëm financiar afatgjatë i anëtarësimit në BE në zonën e euros dhe Shengen. Ky është takimi i parë i punës i Presidentit të Komisionit Evropian në Sofje.
Takimi tjetër është me Presidentin Rumen Radev. Aty ndoshta do të diskutojë mbi mbrojtjen e përbashkët evropiane, rreziqet e flukseve të migracionit dhe terrorizmin, si dhe nevojën për një dialog aktiv me fqinjët e mëdhenj të Bullgarisë, anëtarë të NATO-s dhe Turqisë. TIRANA TODAY
