Ambasadorja e Francës në Shqipëri, Christine Vasak tha që shqiptarët të mos ecin më shpejt sesa muzika. Vasak paralajmëron se progresi në sistemin e drejtësisë do të jetë vendimtar në raportin vlerësues të BE ndaj Shqipërisë në rrugën e integrimit. Nga Korça diplomatja ka komentuar edhe çështjen e Kryeprokurorit duke thënë se mandati i Adriatik Llallës ka përfunduar dhe tani u mbetet institucioneve kompetente për të vepruar më tej.
Ky është qëndrimi i Ambasadores së Francës në Shqipëri, Christine Vasak, e cila nga Korça, ka paralajmëruar se progresi në sistemin e drejtësisë do të jetë vendimtar për rrugën e vendit drejt Bashkimit Europian.
“Kushtetuta shqiptare disponon kohëzgjatjen e një mandate. Mandati i kryeprokurorit të përgjithshëm përfundon sipas kushtetutës dhe autoritetet kompetente janë ato që duhet të vendosin,” shkruan ambasadorja Vasak.
E pyetur në lidhje me procesin e integrimit të Shqipërisë në BE, Ambasadorja franceze tha se vlerësimin e japin të gjitha shtetet anëtare të BE.
“Është një vlerësim që duhet të bëhet nga të gjithë shtetet anëtare të BE, në presim shumë raporte, ‘mos shkoni më shpejt se muzika’ është një shprehje franceze. Është një dëshirë e madhe e popullit që të bëhet pjesë e BE, Shqipëria është kandidate nga viti 2014. Tani ka ardhur momenti të presim vendimin e institucioneve dhe autoriteteve evropiane për hapjen e negociatave, por nuk duhet te nxitohemi. Kjo analize do te bëhet duke u bazuar në sistemin e drejtësisë në Shqipëri,” deklaroi Vasak.
Sipas diplomates franceze, analiza në lidhje me arritjet e Shqipërisë do të bëhet bazuar në reformën dhe progresin sistemit të drejtësisë në Shqipëri.
Deklaratat u bënë nga Vasak pas pjesëmarrjes së saj në ceremoninë e 101-vjetorit të shpalljes së Korçës krahinë autonome.
