Për të gjithë kureshtarët në lidhje me profesionet më të paguara dhe më pak të paguara ka “folur” INSTAT.
Në një anketim të bërë nga ky institucion për vitin 2016, pesë profesionet me pagën mesatare mujore bruto më të lartë janë:
1-drejtues administrativë dhe komercialë;
2- specialistë të teknologjisë së informacionit dhe komunikimit;
3- drejtues prodhimi dhe shërbimesh të specializuara;
4- specialistë të administrimit dhe biznesit;
5- ligjvënës, nëpunës të lartë të administratës shtetërore dhe drejtorë ekzekutivë.
Ndërsa paga mesatare bruto më e ulët është për këto profesione:
1-prodhues të produkteve bujqësore, blegtorale, të peshkimit për nevoja familjare;
2-punëtorë për shitje dhe shërbime të ndryshme në rrugë;
3-ndihmës në përgatitjen e ushqimit;
4-punonjës të përpunimit të ushqimit, drurit, tekstileve dhe të tjera të ngjashme;
5-punonjës të prodhimit të sendeve të imta;
6-punonjës të punëve me dorë (artizanët) të shtypshkrimit dhe të tjera të ngjashme.
Për pagën mesatare nuk ka ende asnjë të dhënë në këtë publikim të bërë nga INSTAT tek Anketa e Forcave të Punës për vitin 2016.
