Koreja e Jugut vendosi të mbante sot zgjedhje, duke injoruar kështu koronavirusin.
Raportohet se votuesit kanë vendosur maska dhe doreza dhe kanë qëndruar një metër larg njëri-tjetrit. Gjithashtu atyre u është matur temperatura dhe u janë dezinfektuar duart.
Mirëpo këto janë vetëm disa nga masat që është kërkuar të merren për të mbajtur zgjedhjet në kohën e pandemisë me koronavirus, proces në të cilin garohet për 300 ulëse të Asamblesë Kombëtare.
Në këto zgjedhje garojnë 35 parti, ndonëse në qendër të tyre janë Partia Demokratike, që aktualisht është në pushtet dhe Partia Konservatore, E Ardhmja e Bashkuar, që deri më tani kanë qenë në opozitë.
Disa sondazhe të publikuara nga tre transmetues publikë kanë treguar se Partia Demokratike e Presidentit Moon Jae-in do të fitojë shumicën e ulëseve dhe do të rrisë shumicën në parlament, shkruan “Rel”.
Kujtojmë se në Korenë e Jugut koronavirusi ka shkaktuar 225 viktima, ndërkohë janë regjistruar 10,591 raste pozitive.
