Zv.kryeministri Erion Braçe u ka bërë thirrje dy kategorive të bizneseve që merren me karburante që të bëjnë kujdes, ndërsa i paralajmëron se kanë afat deri në fund të muajit shtator për të certifikuar kapacitetet e depozitave që mbajnë në ambientet e kompanive.
Në një komunikim për mediat, Braçe nënvizon se aksioni anti-informalitet do të shtrihet nga sot e tutje, sipas tij, edhe te konsumatorët e mëdhenj të karburanteve në vend.
https://www.facebook.com/edirama.al/videos/2437024119914504/?t=0
“Doja ti bëja një thirrje dy kategorive, konsumatorë të mëdhenj që kanë depotiza në ambientet e kompanitë e mëdha të ndërtimit, të ndërtimit të rrugëve, të prodhimit të materialeve të ndërtimit dhe transportit, si kompanitë e distribucionit, të ofrimit të shërbimeve në tregti, për kompanitë e mëdha edhe të prodhimit, që prodhojnë në krahun tjetër produkte të ndryshme që kanë depozita në ambientet e tyre dhe për fat të keq janë të pacertfikuara nga autoritet ligjore, për kapacitetet dhe në disa raste kur operojnë me pompa, janë edhe në kushtet e moscertifikimit dhe mosfiskalizimit të tyre.
Që nga sot deri në fund të shtatorit, secili ka kohën e mjaftueshme t’i drejtohet organeve ligjore për të certifikuar kapacitetet e depozitave të tyre që autoritetet të kenë dijeni për konsumin e tyre të karburantit.
Përtej kësaj ka edhe një kategori tjetër që sjell në vëmendje faktin që kanë depozita pranë kompanive por mbi të gjitha nuk konsumojnë naftë por janë pjesë e operacioneve në letra të tregtimit të karburanteve.
Secili do jetë pjesë e hetimit dhe bashkë me të, për këtë paligjshmëri do mbajnë përgjegjësi edhe gjithë inspektorët e organeve fiskale që kanë lejuar e certifikuar këtë paligjshmëri”, tha Brace.
