Nikolin Ciko, infermier pranë Urgjencës në Spitalin e Korçës, është vënë në pranga nga policia, pasi ka vjedhur dy herë farmacinë e spitalit Rajonal në Korçë.
Në datë 08.03.2021 dhe 30.08.2021, në farmacinë e Spitalit Rajonal Korçë ka vjedhur një sasi të konsiderueshme medikamentesh e pajisjesh mjekësore me vlerë mbi 1.000.000 lekë, të cilat shërbenin për trajtimin e pacientëve me COVID-19 dhe me sëmundje tumorale.
Infermieri Nikolin Ciko në deklaratën e tij në polici ka pranuar vjedhjet e kryera në spital. Ai ka thënë se ka kryer vjedhjet, pasi kishte borxhe dhe kredi për të larë.
Nikolin Ciko ishte infermier në urgjencë, dhe merrej me pacientët me COVID. Për këtë shkak, ai dyshohet se ua shiste këtyre pacientëve medikamentet e vjedhura.
