Korab Gjana, infermieri në spitali Infektiv, ka treguar momentet e fundit përpara se aktori i njohur humorit Koço Devole, të ndahej nga jeta.
Devole i ka thënë mjekut se virusi po i merrte shpirtin.
“Momentet e fundit me Koço Devole. Ne mëngjes kpo shikoja me nxitim te sëmuret me radhë. Kur mbërrij tek dhoma e shtrimit te Kocos i them, he mo Koço si je sot? Ahh mor Korab si të jem me përgjigjet. Cfarë dreq virusi paska qenë ky që po ma merr shpirtin. Njeriu qe do i mungojë çdokujt! Ky virus s’të kurseu as ty”, tha Gjana.
Aktori i mirënjohur i humorit dhe regjisori, Koço Devole, u nda sot nga jeta në moshën 75-vjeçare pas infektimit të tij prej disa ditësh nga koronavirusi.
Ai ndërroi jetë në spitalin Infektiv ku edhe po trajtohej prej disa ditësh.
Devole kishte marrë një trajtim mjekësor paraprak në këtë spital dhe në 31 tetor u lirua prej tij pasi gjendja shëndetësore u duk se u përmirësua.
Por, ai u kthye me urgjencë një ditë më pas pasi shfaqi komplikacione, kësaj here në intubim.
Mësohet se Koço Devole ka vuajtuar më herët edhe nga leucemia, e cila ka sjellë ndikim tek gjendja e tij shëndetësore.
