Autoritetet në Indi, kanë arrestuar dy persona pasi këta të fundit, hodhën në lumë trupin e pajetë të një personi të tyre të afërt, i cili ishte infektuar me Covid-19.
Videoja e tmerrshme u realizua të premten e 28 majit, në lumin Rapti në zonën e Uttar Pradesh, dhe pas bërjes publike të saj, policia ka bërë arrestimin e dy personave, shkruan Daily Mail. Të arrestuarit u identifikuan si Sanjay Kumar dhe Manoj Kumar, ndërsa viktima u identifikua me emrin Premnath.
Në përputhje me rregullat e Covid, trupi i pajetë u dorëzua te të afërmit e tij, në mënyrë që ata ta dignin dhe të merrnin hirin, por ata në vend të kësaj zgjodhën që të hidhnin kufomën në lumë.
Shumë krematoriume janë mbingarkuar me numrin e madh të vdekjeve nga virusi dhe familjeve u është lejuar që ta kryejnë vetë në banesat e tyre.
India po përballet me një vale të tretë të koronavirusit gjatë muajit të kaluar, dhe megjithëse numri i rasteve ka filluar të bjerë, pritet sërish një rritje të numrit ditor të vdekjeve për javët në vijim.
Pavarësisht nga lehtësimi i kufizimeve të caktuara, ekspertët kanë paralajmëruar që njerëzit në vend duhet të vazhdojnë të ndjekin protokollet e sigurisë, duke rikonfirmuar se pandemia nuk ka mbaruar akoma në Indi.
