Një automjet i parkuar, u zhduk brenda pak sekondave, pasi toka poshtë saj u ça. Ngjarja ndodhi në Mumbai të Indisë, teksa mësohet se e në vendin ku ishte parkuar makina, ndodhej një pus i mbuluar me beton, i cili pësoi çarje, duke shkaktuar incidentin, shkruan BBC.
Fatmirësisht, autoritetet policore bënë me dije se nuk pati viktima. Gjatë një interviste për mediat lokale, pronari i automjetit tha se nuk i kishte shkuar kurrë në mendje se do të ndodhte diçka e tillë.
“As në ënddërr nuk e kisha imagjinuar diçka të tillë. Nëse do e dija, përse do e parkoja makinën aty?”, tha ai.
Sipas banorëve të zonës, pusi ishte mbuluar me beton rreth 40 vite më parë, për të krijuar hapsirë për parkimin e automjeteve. Megjithë ngjarjen e rëndë, u bë e mundur heqja e ujit nga pusi, dhe tërheqja e automjetit sërish në sipërfaqe.
