Deputetja Rudina Hajdari ka folur në emisionin “Opinion”, lidhur me incidentin e ndodhur në Shkodër, ku një i ri i ndërpreu fjalën teksa fliste në shkollën “Shejnaze Juka”.
Ajo e cilësoi atë si një goditje nën brez, dhe dihej se nga kush. “Ishte një gjë që kaloi, më shumë nder më bëri se sa më dëmtoi. Goditje nën brez që ju e dini mirë”, tha ajo.
Kujtojmë se anëtari i FRPD, Fatjon Mani, tentoi të prishë aktivitetin e deputetes Rudina Hajdari në shkollën “Shejnaze Juka”, ku ajo dhuroi rrogën e saj për dëmtimet e shkaktuara nga mbështetësit e opozitës para 30 qershorit, duke i vënë zjarrin.
20-vjeçari, i futur mes nxënësve i tha znj. Hajdari se është ‘turpi i Shqipërisë’. Në një intervistë për “BalkanWeb”, ai e akuzon deputeten, se po lufton për të sjellë komunizmin.
“Pse pikërisht zgjodhët znj. Rudina Hajdari?
Në radhë të parë ajo nuk është përfaqësuese e opozitës. Aty ka ardhur me votat e Partisë Demokratike. Partia Demokratike është në rrugë, është me popullin, nuk është në Parlament, dhe kjo nuk përfaqëson askënd. Ka ardhur si deputete”.
