“Tirona Fanatics” u rikthye dje në stadium për të mbështetur ekipin kryeqytetas në ndeshjen e parë të Kategorisë së Parë ndaj Ilirisë.
Megjithatë, gjatë ndeshjes pati një incid3ent, teksa në përfundim të pjesës së parë, disa tifozë janë përplasur me forcat e rendit.
Efektivët e policisë kanë tentuar të heqin banderolat që shënjestronin presidentin Halili, por reagimet e tifozëve kanë qenë mjaft të ashpra. Kështu, forcat e rendit kanë shoqëruar 14 persona, ndërsa mësohet 5 prej tyre po procedohen në gjendje të lirë.
NJOFTIMI I POLICISË:
Kundërshtojnë punonjësit e policisë dhe prishin qetësinë publike gjatë zhvillimit të ndeshjes. Policia e Tiranës procedon 5 shtetas. Shërbimet e policisë Tiranë kanë proceduar në gjëndje të lirë shtetasit :
– B. A., 22 vjeç, banues në Tiranë
– B. A., 25 vjeç, banues në Tiranë
– E. A., 19 vjeç, banues në Tiranë
– E. S., 27 vjeç, banues në Tiranë
– T. M., 24 vjeç, banues në Tiranë
Procedimi ndaj këtyre shtetasve filloi pasi më datë 16.09.2017, rreth orës 17:30, në stadiumin “Selman Stërmasi”, gjatë zhvillimit të ndeshjes Tirana-Iliria, kanë prishur qetësinë publike dhe kanë kundërshtuar e goditur me sende të ndryshme forcat e policisë të rendit publik.
Materialet iu referuan Prokurorisë së Rrethit Gjyqësorë Tiranë, në ngarkim të shtetasve të lartpërmendur për veprat penale “Kundërshtimi i punonjësit të rendit publik” dhe “Prishje rendit dhe qetësisë publike”, parashikuar nga nenet 236 dhe 274 të Kodit Penal.
