Ish-deputeti i Partisë Demokratike, Bedri Hoxha ka folur për incidentin gjatë takimit të Lulzim Bashës me anëtarët e PD në Burrel, ku u godit me grusht nga një person pak para zhvillimit të takimit të Bashës tek Pallati i Kulturës.
Hoxha tha se është goditur nga Demir Cupi, i cili punon në bashki, ndërsa nuk i di arsyet dhe motivet. Ndër të tjera deputeti aktual i PD që nuk u përfshi në listat e kandidatëve për deputetë në zgjedhjet e 25 qershorit tha se Basha nuk e ka telefonuar pas ngjarjes, raporton BW.
BISEDA:
Çfarë ka ndodhur zoti Hoxha?
Ishim para pallatit të Kulturës 10 minuta para takimit ku do zhvillohej gara mes Bashës dhe Selamit, e cila veç garë nuk mund të quhet. Unë po bisedoja, dhe më vjen nga mbrapa një person me emrin Demir Cupi që më qëllon.
Pse ju goditi, nuk kishte asnjë shkas?
Nuk kam asnjë lloj marrëdhëniesh me të dhe as komunikoj prej disa vitesh.
Ka përgjegjësi Basha për këtë ngjarje?
Nuk mund të aludoj, por Basha nuk më ka bërë asnjë telefonatë pas ngjarjes dhe kjo nuk më pëlqen.
Pse ishit aty ju?
Unë kisha një ftesë sepse jam anëtar dhe shkova për të dëgjuar platformat e tyre. Isha atje vetëm për të dëgjuar dhe nuk kisha ndërmend për të kontestuar.
