Kryetari i Partisë Demokratike, Lulzim Basha e ka konsideruar një akt të turpshëm që duhet dënuar me forcë, dhunimin e gazetarit Ergys Gjençaj, nga ana e policisë, teksa ai po filmonte operacionin e efektivëve ndaj një personi që trafikonte lëndë narkotike.
Sipas Bashës, represioni dhe dhuna ndaj gazetarëve është produkt i modelit të kryeministrit Edi Rama, që kërkon të zhbëjë të vërtetën me propagandë, korrupsion dhe dhunë.
”Dhunimi i reporterit Ergys Gjençaj është një akt i turpshëm që duhet dënuar me forcë nga të gjithë. Brutaliteti ndaj gazetarit në detyrë duhet hetuar dhe personat përgjegjës duhet të mbajnë përgjegjësi para ligjit. Represioni dhe dhuna ndaj gazetarëve është produkt i modelit Rama që kërkon të zhbëjë të vërtetën me propagandë, korrupsion dhe dhunë. Kjo konfirmohet edhe nga raporti i fundit i OSBE/ODIHR. Dhuna ndaj gazetarëve dhe lirisë së mediave është dhunë ndaj demokracisë dhe lirive të çdo qytetari.”, shkruan Basha në rrjetin social, Twitter.
1/2 Dhunimi i reporterit Ergys Gjençaj është një akt i turpshëm që duhet dënuar me forcë nga të gjithë. Brutaliteti ndaj gazetarit në detyrë duhet hetuar dhe personat përgjegjës duhet të mbajnë përgjegjësi para ligjit. Represioni dhe dhuna ndaj gazetarëve…
— Lulzim Basha (@lulzimbasha_al) July 27, 2021
