Tre javë pas tërmetit shkatërrimtar të 26 nëntorit, kur Durrësi ishte ende një qytet ‘fantazmë’, kryeministri Edi Rama firmosi në emër të Komitetit Ndërministror të Emergjencave Civile një vendim për menaxhimin e mbetjeve të krijuara nga tërmeti.
Për Presidentin e Republikës, Ilir Meta Durrësi plot halle nga tërmeti është i mbërthyer nën darën e abuzimeve të bashkisë.
Përmes një postimi në Facebook, kreu i shtetit shkruan se ky rast duhet bërë transparent dhe duhet të ndëshkohen nga drejtësia përgjegjësit për shpërdorimin e parave të taksapaguesve.
Sipas tij, është koha për drejtësi.
Postimi i Presidentit Meta në Facebook
Durrësi i martirizuar dhe plot halle nga tërmeti është sot i mbërthyer nën darën e abuzimeve bashkiake.
Transparenca, hetimi i thelluar dhe ndëshkimi nga drejtësia i përgjegjësve për shpërdorimin e milionave euro të taksave të qytetarëve të Durrësit është zgjidhja e vetme.
KOHA PËR DREJTËSI!
https://www.facebook.com/ilirmetazyrtar/posts/3392673560778893
Dokumentet zyrtare të siguruara nga BIRN tregojnë se pas mbylljes së venddepozitimit të mbetjeve në Porto Romano, bashkisë së rrënuar nga tërmeti po përpiqen që t’i imponojnë herë me kërcënime ligjore dhe herë me premtime për kompensim të kostove, një tarifë për trajtimin e mbetjeve në Sharrë së paku me 24 euro për ton.
Së bashku me kostot e transportit, kjo tarifë ndëshkuese do t’i sillte bashkisë së Durrësit çdo vit miliona euro kosto shtesë për menaxhimin e mbetjeve urbane, para që arka e qytetit bregdetar nuk i ka. Ndërkohë, kompania e mbetjeve të Sharrës pritet të fitojë miliona euro shtesë nga taksapaguesit.
