Ish-deputeti i Partisë Socialiste, Alqi Bllako, kërkon lirimin nga burgu. Bllako i cili ndodhet në burg se akuzohet se ka përfituar 15 mln lekë për shkak të shkeljeve për inceneratorin e Fierit, ka depozituar sot në Apelin e GJKKO kërkesën për ndryshimin e masës së arrestit. Ai thotë në kërkesën e tij se s’ka prova se është i rrezikshëm, dhe si shmanget hetimit.
Bllako pretendon se nuk ekzistojnë kushtet ligjore për një masë sigurie ekstreme si ajo e “arrestit me burg”. Ish-deputeti socialist u akuzua si i përfshirë në aferën e inceneratorit të Fierit. Ai akuzohet nga SPAK për “shpërdorim detyre” dhe “korrupsion”.
Pak ditë më parë, në dëshminë e tij, Bllako ka mohuar që të ketë rol vendimmarrës te inceneratorët, duke thënë se detyra e tij ka qenë vetëm të përcjellë shkresën për miratim te Këshilli i Ministrave.