Nuk ka qetësi për banorët e “Unazës së Madhe” në Tiranë.
Sot, mjetet e IMT kanë zbarkuar në Astir për të vijuar me shembjen e banesave.
Por, qytetarët kanë hedhur akuza të forta ndaj kryebashkiakut Erion Veliaj dhe kryeministrit Edi Rama.
Ata shprehen se banesat e tyre po prishen në mënyrë që t’u hapet rruga oligarkëve për të ndërtuar pallate.
Sipas tyre, Bashkia e Tiranës është shndërruar në një lavatriçe për pastrimin e parave të pista.
“Erion Veliaj pastron paratë e drogës duke bërë pallate në Unazë të Re. Duke u dhënë 300 euro për metër katror një dyqani që shemb, ndërsa këtu mbrapa është 5 mijë euro. Qytetarëve iu marrin pronën, Erion Veliaj është kryemashtrues. Këta duhet të shkojnë para drejtësisë. Ngjitur me banesën dy kate që e shemb ngrihet pallati 11 kate. Le të pastrojë paratë e drogës. Bashkia e Tiranës është kthyer në lavatriçe’’, thanë ata.
