Igli Zarka dhe Ilir Shaqiri kanë patur një përplasje të fortë mbrëmjen e djeshme në “Dance Albania”. Balerini në rolin e kryetarit të jurisë, ka gjykuar performancën e konkurentit duke e përkufizuar si jo të aftë për t’u përfshirë në një lojë, në këtë rast lojë kërcimi. Kaq mjaftoi, që të ndizeshin edhe debatet e tyre të hershme.
Debati
Ilir Shaqiri: Do të përqendrohesha më shumë se ajo që ti thua është se ti nuk di të vihesh në lojë, nuk di të luash. Besoj asnjeri nuk të ka shtyrë të vish këtu me detyrim.
Igli Zarka: Ilir nuk të dëgjoj.
Ilir Shaqiri: Ky është problemi.
Igli Zarka: Nuk dëgjohet nga bokset, nuk është problemi im.
Alketa Vejsiu: Nuk ishte ironi, nuk dëgjohesh vërtetë.
Ilir Shaqiri: Problemi yt është që ti nuk di të vihesh në lojë, si me veten dhe si me ambientin që je.
Igli Zarka: Ilir, ti mund të jesh mësuar të luash me veten, unë jo.
Ilir Shaqiri: Jo, as unë nuk luaj me veten. Unë kam një rol dhe jam këtu, ti sot ke një rol tjetër dhe je aty.
Aktori nuk e ka lënë me kaq. Pasi ka “shkuar në shtëpi” ai ka bërë një reagim që duket mjaft thumbues në instagramin e tij.
“Më në fund i lirë, por jo i LIRË”, ka shkruar aktori.
