Më 7 qershor, Këshilli i Lartë Gjyqësor (KLGJ), do të mbajë seancën për kryegjyqtaren në detyrë të Elbasanit, Enkeleda Kapedani. Pak ditë më parë, Inspektori i Lartë i Drejtësisë Artur Metani dorëzoi në KLGJ kërkesën për pezullim dhe shkarkim nga detyra të Kapedanit.
Sipas ILD, veprimet e saj diskreditojnë rëndë figurën e gjyqtarit. Kërkesa vjen pas publikimit të disa videove që gjyqtarja kishte publikuar në rrjetin social Tik Tok.
Kapedani u vu në hetim për disa video që ajo ka bërë nga brenda ambienteve të Gjykatës, të cilat ishin aspak të hijshme për profesionin e saj, dhe në vendin e punës.
Kapeani është magjistratja, e cila liroi Viktor Ymerin, anëtarin e bandës së ‘Gaxhait’ i cili akuzohej për dy vrasje. Dy vite më parë ajo liroi Viktor Ymerin i cili ishte dënuar me 25 vite burg dhe akuzohej për dy vrasje në vitin 1999.
Ymeri, i njohur ndryshe si ‘Tori i Xhihanes’, ishte pjesë e bandës së Gaxhait, rivalen e asaj të Zani Çaushit, kreu i “Çoles”. Enkeleda Kapedani ka qenë gjyqtare në Gjykatën e Elbasanit teksa pas dorëheqjes së Zihni Shahut, u emërua kryetare shtatorin e 2020.
