Ikona e kinematografisë shqiptare, Reshat Arbana feston sot 79-vjetorin e lindjes.
Renditet si një nga aktorët me popullorë të kinemasë shqiptare, me 45 role në kinematografi dhe me dhjetëra të tjerë në teatër. Role që kanë pasuruar kulturën kombëtare. Ai lindi më 15 shtator 1940 në Tiranë. Ndërsa roli i tij i parë shënohet në vitin 1963.
Në maj 2004, Reshat Arbana, i cili për shumë shqiptarë shihet si model frymëzimi, u rikthye në skenën e Teatrit Kombëtar me rolin e protagonistit në dramën Streha e të harruarve.
Më 7 tetor, 2011, President i Republikës, i akordoi Urdhrin “Nderi i Kombit” me motivacionin: “Aktorit të shquar të teatrit dhe kinematografisë, i cili me interpretimin mjeshtëror dhe origjinalitetin e tij u bë një artist popullor e shumë i dashur për publikun, rolet e të cilit kanë pasuruar me vlera të reja kulturën kombëtare.”
Arbana fitoi respektin dhe dashurinë e shqiptarëve për personalitetin e jashtëzakonshëm, cilësinë artistike dhe pasionin me të cilin ka interpretuar role, ngjarje, duke i pasuruar me humanizmin që përcjell dhe kulturën e veshur.
Me rastin e 79-vjetorit, Tirana Today i uron jetë të gjatë ‘Artistit të Popullit’; të festojë sa më shumë vite të tjera.
