Është identifikuar shqiptari i cili u ekzekutua mbrëmjen e kaluar në Romë.
Mediat italiane raportojnë se viktima është Gentian Kasa.
43-vjeçari u vra me dy plumba pistolete, të cilët e kanë prekur në kokë dhe në gjoks.
Sipas mediave italiane referuar edhe burimeve të policisë, viktima ka qenë person me precedentë penalë dhe në momentin që ai është qëlluar ka qenë duke u rikthyer në burg pasi kishte dalë me leje.
Shqiptari kishte takuar bashkëshorten e tij, por vetëm pak metra larg banesës ai u qëllua dy herë me pistoletë.
Marrë shkas nga e shkuara e viktimës, hetuesit mendojnë se ngjarja ka ndodhur për larje hesapesh mes bandave.
